HeZkUnTzA KoOpErATiBoRaNtZ LeHenEngo uRrAtSaK eMatEN

Askotan azaldu dugun moduan, hezkuntza kooperatiboan ikasleak taldeka egotea oso garrantzitsua da, estimulu bat baita, gaitasun gehiago eta gutxiago dituzten ikasleentzat. Eta talde hauek askotan "taldeko koadernoa"z baliatzen dira, erabilgarritasun handiko baliabide didaktikoak baitira, taldeei laguntzen dielako ikaskuntza kooperatiboa aurrera eramaten eta autoorganizatzen. Honako aspektuak agertzen dira hauetan:

Taldearen izena
Koadernoaren azalean edo lehenengo orrietan agertzen da eta ikasleek komunean aukeratutako taldearen izena adierazten du, honi esker, ikasleak talde baten parte sentitzen dira eta adostasunetara heltzeko gaitasuna garatzen du.

Taldekideen izenak
Honetan taldekideen izenak agertzen dira, askotan hauen argazkia edota ezaugarri espezifikoak ere adieraziz.

Taldeko ardurak eta eginkizunak
Taldean ardura eta eginkizun aurrera eraman behar duten finkatzen dute, kontuan izanda:
- Talde bakoitzean arduren izenak desberdinak izan daitezkeela.
- Rol ezberdinak aurrera eraman behar direla.
- Taldekide bakoitzak ardura bat aurrera eraman behar duela.
- Ardurak txandakakoak direla.
- Aldizka ardura bakoitzaren eginkizunak aztertzen direla.
- Ikasleek haien artean ardura bakoitzaren eginkizunak aurrera eraman behar dituztela eskatu.

Funtzionamenduaren arauak
Koadernoan gelako funtzionamentu arauak agertu behar dira, eta hauei taldeko arau espezifikoak gehitu ahal zaizkie.

Taldeko planak
Koadernoan ere adierazi beharko dira, denbora zehatz batean haien helburuak lortzeko, aurrera eraman behar dituzten planak.

Saioen egunerokoa
Saio bakoitzaren amaiera, taldekideek saioaren ebaluazioa egin behar dute eta hau koadernoko atal honetan idatzi.

Aldizkako taldeko berrikusketa
Planen amaieran, lehen aipatutako taldeko planen atalean bildutakoa berrikusi behar da.